9月17號除咗係人月兩團圓嘅中秋佳節之外，亦係Ada蔡少芬51歲生日正日。Ada喺社交平台出Po同老公張晉甜蜜依偎幸福放閃!依相可見，老公為佢準備特別驚喜，精心佈置生日現場，浪漫又溫馨，非常有心思！

　Ada亦開心分享：「12點！我的生日。。。我願望是。。。我的朋友、愛人。。。都幸福、平安、快樂！我感恩！一直有人愛護！謝謝每个愛我的你......」字裏行間難掩激動心情。除咗有愛人，仲獲好姊妹陳法蓉、洪欣慶生。◇