有「日本旅遊達人」之稱的杜如風（Helen），再度為TVB Plus（82台）主持王牌旅遊節目《Cashing Pro私人貸款呈獻︰解風福岡》，節目逢周一、五晚8點半周二、四晚8點35分播映。之前《解風東京》創出

　最高收視5.9點，今次Helen再度踏足鄉下日本，轉戰福岡，本住「shopping、食好西同目及仔」的初心，跟大家玩盡福岡。

　日前兩晚及今晚杜如風（Helen）去到有「小夏威夷」之稱的糸（音覓）島，在必到打卡勝地白色鳥居及夫妻岩，被一班fans野生捕獲，自拍當然少不了，她還擔任攝影師替fans影合照。除了打卡外Helen還推介糸島必食；每位5，680日圓（約284港元）90分鐘海鮮放題，她的食評為︰「我夠膽，講呢間係我食過燒海燒以嚟，CP值最高一間。」另外，島內另一入食的還有木桶魚生丼店。

　Helen介紹美國校巴改裝的Vintage Shop時，她解封了一段puppylove。節目中Helen透露於加拿大留學時，曾暗戀一名印度籍男孩子，欲言又止。事後Helen接受訪問時表示與印度男仔是同校同學，她說︰「佢好靚仔，輪廓好深眼大大、瘦瘦地，係我唔同班嘅同學。大家搭同一班校巴返學。佢成日坐埋我隅籬左近。返學放學都見到佢，嗰時太細個唔敢主動。」她笑言之後考到車牌開車返學，這段「戀情」便無疾而終。

　提到加拿大留學生活，今晚（十日）Helen將繼續爆料，她在二手店見到一款Gucci竹系背囊時，自言當年讀書亦曾擁有一個，她鬼馬地說︰「呢個袋原價係竹20萬日圓（10，600港元）左右，而家5萬日圓（約2，650港元）就買到。有個故事話畀大家聽，呢個竹袋係我哋90年代，加拿大每一個女仔都會買一個返嚟當書包用，真係個個都有嘅。但係大家都睇到，呢個背囊細到咁，一本書都擺唔落，證明我哋去到（留學）淨係買嘢，唔係好返學。」

　此外，Helen會於本周四於IG開Live跟網民chitchat，而《解風福岡》在TVBPlus官方社交媒體推出精華回顧，以短片平式剪輯每段精華片段。◇