近日舉行嘅釜山國際電影節頒獎禮各個獎項已經順利頒發﹐其中早前於TVB播放嘅《繁花》分別獲提名最佳劇集、最佳男主角同最佳女配角等大獎，「寶總」胡歌早前代表《繁花》抵達當地，出席當晚嘅「2024亞洲內容大獎和全球流媒體大獎」紅地氈同頒獎禮。最終《繁花》勇奪最佳劇集胡歌亦「登基」成為視帝。

　韓國男星柳承龍出席盛會時，仲把握機會同胡歌仲有的周冬雨集郵。胡歌於當地接受訪問時，就指日本代表堺雅人、同本地薑崔宇植分別入圍，對手過往作品《半澤直樹》、《寄生上流》都非常傑出，所以自己對劇集提名有信心，不過對自己視帝提名就「希望有這個好運吧」。

　《繁花》唔止內地播出時收視高企，更可以話橫掃所有內地電視劇獎，喺台灣播出時更成為40日收視冠軍。「寶總」胡歌領獎時仲提到：「故事是無數90年代上海奮鬥者的縮影，我很期待通過釜山影展這個平台以及《繁花》，讓更多觀眾可以了解那一段時代中發生的故事。」◇