《香港何濟公止痛退熱散呈獻：中年好聲音3》周日晚（6日）9點翡翠台播映，由車婉婉擔任主持，評審團除了固定班底肥媽、張佳添、周國豐，還有音樂女神海兒及再度回歸的關心妍，見證14強晉身12強淘汰賽事。
當晚一集是「中2生助力賽」下半場競賽，最高分數由兩代「重炮手」劉洋與沈宗賢合唱《讓我一次愛個夠》獲得94分亮麗成績。沈宗賢直言初時猶豫到底solo部分會否太長，最終聽取音樂總監DonaldPak專業意見：「Donald話點會有人鍾意短呀！」肥媽隨即附和，並以弓箭形容樂隊與歌手：「長啲好，聽多啲嘛。你哋同band夾到，尤其最尾好正，直情帶畀我哋返番去livehouse。歌手係射箭支箭，隊Band係弓，弓嘅力量好緊要，同箭都出好啱嘅力，我好鍾意呢隻歌。」周國豐讚二人唱出搖滾味道，尤其劉洋運用麥克風支架出神入化：「劉洋控制micstand所有動作、timing控制得好好，所以你個分好難好低。」關心妍則對重炮手柔情到漸進式爆發，激讚：「去到最尾爆嗰吓，好打入心！個performance好好睇，verygood！」
總結上下半場競賽，關心妍選出與羅啟豪合唱《囚鳥》的「女大魔王」黃博為MVP，再度奪得「最有價值選手」。而本集共有3位參賽者曹越、羅逸軒和任永健跌入「中年危機區」，評審們決定淘汰與陳俞霏合唱《給我感覺》獲得81分的任永健，以及上半場與李佳獻唱《滾滾紅塵》獲得83分的阮慧珊，分別奪得第14名及第13名。
當中14強止步的「抗癌戰士」任永健，13年前確診鼻咽癌，一度因病失聲，他曾表示參加《中年3》目的為了做個好榜樣給孩子，勇於挑戰，追尋夢想；他在台上分享感言：「爸爸今日終於舞台離開，喺呢個社會、世界裡面叻人有好多，但輸咗唔代表乜咩，係一個經歷，令人生繼續前進嘅一部分。唔好因為對手好叻就怕而唔玩，爸爸想你知，爸爸日日要對住『大魔頭』，其實爸爸每日都好驚，但我都會繼續努力。冇諗過自己喺呢個比賽得到好多好多嘢，周Sir雖然成日畀好低分，但佢係一個無論台前定台下都對我好鼓勵、畀到好多信心，亦都畀到意見我嘅一個評審，我覺得好感動，多謝。」向來暖心的肥媽隨即給愛的鼓勵：「你冇輸，你第14名呀！」
至於第13名的阮慧珊，同樣鼓勵大家勇敢追夢：「原來下定決心，真係有機會做到！大家如果有夢想就去啦，追夢過程一定比你想像中豐富同精彩。」24年前患上第一型糖尿病的她，坦言靠唱歌治癒情緒：「病開始時心理唔穩定，唱歌可以分散注意力、其中令到我嗰時開心番嘅方法，係一種好享受嘅方法。」◇
