《香港何濟公止痛退熱散呈獻：中年好聲音3》逢周日晚上8點翡翠台播映，由車婉婉擔任主持，評審團除了固定班底肥媽、張佳添、周國豐外，還有音樂女神海兒和陳曉東擔任嘉賓評審。
周日（二十三日）播出一集，是十六強晉身1四強的1對1PK下半場，賽制是按照上回合分數將參賽者分成上、下弦，得分高的上弦參賽者，除抽籤決定出場次序，更可任意挑選下弦參賽者進行PK，高分者直接晉級，另一位則暫時跌入「中年危機區」，本回合將淘汰2名參賽者。本回合主題為「偶像之歌」，剩下的上、下弦參賽者及演出歌單如下：上弦─劉洋《我最親愛的》、張與辰《怎樣》、善玥澄《存．不存在》、占士丁丁《You Raise Me Up》；下弦─羅逸軒《空凳》、阮慧珊《開到荼蘼》、王鄭浚仁《Take On Me》及趙浚承《玉蝴蝶》。
東東興奮到起身跳舞
本集最精彩的對決，絕對是「上弦」占士丁丁VS「下弦」王鄭浚仁，其實王鄭浚仁一直都是《中3》熱門之一，單看牌面兩位唱得之人對戰期待值甚高，加上二人均挑選了難度極高的英文歌，連張佳添亦忍不住感嘆：「呢一Round兩首歌一個跳崖一個跳海，但係都唔死得。」先說王鄭浚仁獻唱的《Takeonme》，雖然歌曲本身已是超高音，但王鄭浚仁仍毋懼滑鐵盧挑戰在高音位再升Key，加上高音與真聲之間的轉換遊刃有餘，獲得一致好評，東東更興奮到起身跳舞。張佳添：「今次假音ok喎、唔刺耳」海兒：「佢粒假音唔單止hit到，最後收嗰吓仲有震音，仲有個氣support住繼續去緊，呢個好難做到。呢首歌我覺得真係冇乜人live唱到，佢仲要升key都咁穩陣，我都畀好高分你。」
海兒捉占士丁丁英文發音唔夠準
周國豐更搞笑地以「表演吞劍」形容王鄭浚仁：「頭先兩分幾鐘我睇緊一個吞劍嘅表演，但我係讚嘅。佢拿捏呢首歌係合格有餘有餘有餘！」至於丁丁演繹的《You raise me up》，亦同樣獲得高度評價，一眾評審大讚他今次終於唱出真感情，其中周國豐：「今次你感情嘅演繹我覺得係嚟得幾真，今日你同王鄭好近。」不過搞笑的是，海兒竟然捉丁丁英文咬字，連海兒自己也覺得不好意思。最終這場「兩雄相遇」得到極戲劇性結果，評審見到賽果後的超大反應亦將對戰期待值再往上推高。
至於向來是頂頭熱門之一的劉洋，這次超深情獻唱《我最親愛的》竟惹來極兩極反應，正評的有肥媽：「完全係接收到佢嗰種問候人嘅感覺，我真係直情入咗你個心入面」和東東：「劉洋好犀利，佢無論唱功同埋感情嘅投遞都非常厲害」；略帶批評的則有張佳添：「你曝露咗少少弱點，假音唔係你最強嘅地方」及周國豐：「呢首歌你太用力，劉洋呢個版本就我而言可以再溫婉啲，如果你做埋呢個部份，咁我覺得個分就可以推到好高。」
今集出名要求高的周國豐，成了「評語MVP」，給出大量抵死啜核Comment，例如點評羅逸軒獻唱的《空凳》時，他竟以粵語殘片形容影片，相當爆笑。周國豐：「成首歌好似睇緊部粵語殘片個男主角要嘔血咁樣，你嘅感情係幾真摯，但慢鏡又點樣真摯呢？」◇
