關智斌七層樓揸手
由關智斌（Kenny）及楊天宇（Angus）主理的旅遊節目《孖夫遊記》，今次帶大家遊福岡，之前二人試玩日本占卜、豪玩遊布院等，今集玩浸溫泉，二人邊浸溫泉邊傾偈，絕對是「赤裸」剖白，爆肌之餘又爆料，養眼度及訊息量爆標。
浸溫泉期間，節目組提議兩位「爆肌裸男」來個「你問我答赤裸剖白」，答不到問題的一方需接受淋冰水懲罰。第一個問題：「你最討厭的藝人？」，Kenny指是阿Sa蔡卓妍，「佢真係射手座嚟㗎，約食飯時，佢係唔會理係邊一group嘅friend，例如佢會叫三十個人一齊出去食飯，而嗰啲人大家都唔識大家，所以有陣時出到嚟嗰個環境係幾尷尬。」
Angus則指最討厭是周家怡，「我同周家怡拍《裡應外合》時，成日傾偈，佢係好靈性，佢可以放好多能量俾大家，佢嘅正能量滿到我有啲毛管戙。」第二題「你有幾多身家？」
Kenny謂：「我就係多過六位數、少過八位數。」但Angus立即篤爆，「嗰日我聽老闆（英皇集團主席楊受成博士）講話你有七層樓喎，嗰度起碼都有九位數啦！」
Kenny苦笑：「老闆嗰度啲消息有滯後㗎……」隨後立即反問Angus，Angus表示多過六位，少過七位。Kenny笑指Angus身家少於自己，所以要淋冰水，最後Angus自淋，笑爆Kenny。◇
