國際獅子總會中國港澳三0三區昨天於油麻地天主教小學舉行『港澳獅子服務月《長幼共融耆樂無窮》』啟動禮，國際獅子總會更與勞工及福利局旗下「長者學苑聯網」合作，以《長幼共融耆樂無窮》為主題，鼓勵長者參與學習班，激勵長者終身學習。

　啟動禮邀請到勞工及福利局副局長何啟明JP擔任主禮嘉賓，聯同同活動籌委主席

　第二副總監袁秀齡、國際獅子總會中國港澳三０三區總監沈顏、第一副總監袁鳳華等主禮，愛心大使就邀請胡楓（修哥）及何國材（十一哥），兩人在活動上唱歌，共接待700多位長者到場參予活動及亦動用過百位義工。

　胡楓（修哥）可謂長者們的開心果，他一出現老友記就已經好雀躍，不斷搵修哥合照。而修哥亦好親切，跟老友記合照握手，活力無限。他於活動上共唱了兩首歌，當唱《友誼之光》的時候，更叫台下老友記一齊郁動就當做運動。

　修哥搞笑話:「拍手掌、有福享」，台下老友記就齊齊拍手掌、舉起手「享福」，氹得老友記好開心。「我一見到老友記開心我就開心，所以幾乎每有呢類活動我都係逢請必到。」

　活動主題是《長幼共融耆樂無窮》，修哥就諗起四個曾孫。

　「佢哋係我心肝寶貝，一見到就好興奮，不斷講ILoveYou，我真係好感恩有佢哋幾個，一個星期我會見佢哋一次。真係樂無窮。」

　修哥有活力老人之稱，經常四圍去，他日前剛從泰國旅遊返港，這個旅程玩得好開心，每一日就以食為主，享受很多美食。修哥話要保持活力就要有健康。有些人會很活躍，有些人會收埋自己，他當然是活躍派，所以一定要識得保持身體健康。

　有說修哥又計劃開演唱會，他想再破紀錄嗎？

　「一切都未知，係有機會再開，因為開演唱會係好開心。（再破埋世界紀錄嗎？）係呀!希望一直破紀錄就最好。」

　至於拍劇，修哥話無綫因為不想他捱夜，所以暫時未有劇集。

　另外，何國材（十一哥）亦中一位愛心大使，他在台上自爆已經是75歲展長者，台下老友記都話他不像，他說健康有秘訣，就是開心，當一個人開心時候，細胞就會活躍，精神好多。◇