泰國BL劇人氣偶像New Thitipoom（鄭明心）昨日現身尖沙咀，出席海港城舉行的MCM「LOVE TO THE MOON AND BACK」期間限定店慶祝活動，同場還有周秀娜（娜姐）、本地女子組合COLLAR成員Day（許軼）、樂壇生力軍Nancy（歸綽嶢）及張天穎（Jaime），眾星親身演繹最新春夏系列，並齊齊擺出心心甫士，吸引大批粉絲到場追星。

　New甫登場即引起哄動，他學定廣東話說：「大家好我係New。」現場所見除了地下已聚集大量支持者外，二、三樓層也企滿粉絲。New貴為BL界紅人，由他夥拍好拍檔Tay（Tawan Vihokratana）的新劇《如果30歲還是處男，似乎就能成為魔法師（泰國版）》（Cherry Magic）現正熱播，今次他相隔半年再到香港，人氣有增無減。New下周二將滿31歲，前日抵埗獲工作人員安排到大館食晚飯預祝牛一。

　New在活動上表示，好掛住香港粉絲，希望可以有更多機會來港見大家，他亦最愛香港蛋撻，此行亦試盡不同款式蛋撻，好多謝工作人員及粉絲為他準備蛋撻讓他大快朵頤。New以男模姿態入行，近年亦挑戰做綜藝節目主持，身為演員的他比較喜歡司儀工作，因為可以在鏡頭前展現自己最真實一面。情人節將至，他賣口乖指今次品牌推出的新系列十分適合作為禮物揀選送給Tay。臨走前，New再用廣東話說：「多謝大家！」獲得粉絲報以熱烈歡呼聲。

　娜姐表示，會一直忙至農曆新年才放幾天假，又自爆情人節已相約一位小鮮肉過二人世界，她笑說：「情人節我約了一個後生的靚仔圍讀，是否好有私心呀？哈哈！因為未來會開戲，同他演一對，我本身完全不認識他，所以想開鏡前見面聯絡一下感情。」

　娜姐透露，電影是講述球類運動，因此近日要開始健身操練，笑言未開戲已經覺得很累。問到今次是否會有愛情動作部份？她笑言要問導演娜姐說：「會做情侶之間要做的事，不過都要睇晒劇本先知，等我情人節問一問，同他溝通一下看看有沒冇發展空間。」

　至於戲中是否需要性感演出？娜姐笑言，看男主角性感便可，她也想看對方身形。她說：「他身形既澎拜又年輕，我為女士謀福利，不過不可以講是邊個住，他是男神亦是我鍾意的類型。（鍾意他身形？）我要真正了解性格先知，身形我睇自己得喇！哈哈！我較鍾意睇女仔身形多些，男仔身形我無研究。」

　Day表示，雖沒有睇開泰劇，但都有留意泰國藝人，亦有睇過泰國電影，當中最深刻是《出貓特攻隊》，尤其對女主角Aokbab（茱蒂蒙瓊查容蘇因）最為鍾情，已看過她多部電影。Day剛從日本返港，今次她與Lolly Talk成員到當地旅行數天，除了在東京盡情Shopping外，更到富士山浸溫泉及富士急玩機動遊戲。

　Day透露，今次在日本喪食，每天吃三至四餐。問到有沒有艷遇？她說：「我覺得我有艷遇，因為我們一齊浸溫泉，好多嘢睇好正，對住富士山個景浸溫泉。」Day大讚一班好友個個都身材好，並有瘋狂拍照，Day又踢爆在民宿要Check Out時，AhYo（郭曉妍）竟反鎖在廁所兩小時。之後大家趕車去下一站，好彩沒有影響行程。

　Day指出，新年過後開始為COLLAR演唱會作準備及排練，她已開始做運動及節食，現時差不多有齊流程。問到是否被追飛債？她說：「都有親戚朋友問可不可以買到飛，但我們內部飛都是有限，可以預訂畀朋友的飛暫時不知有幾多，所以都叫他們如果買到就自己嘗試買。」◇