【特訊】周三（四日）凌晨英冠獨腳戲，般尼茅夫憑前鋒基化摩亞射入全場唯一入球，主場以一比零擊敗諾定咸森林，領先對手六分，提早一輪鎖定前兩位直接升班資格，闊別兩年之後，將於下季重返英超。

　今場第二位同第三位對決，非勝不可的諾定咸森林初段有不少具威脅攻門，包括有一次射門中楣彈出。般尼茅夫企穩陣腳後，逐漸控制大局，並於八十三分鐘在禁區頂獲得罰球，但中場菲臘標寧未直接射門，而是斜傳予後備上陣的基化摩亞射入，般尼茅夫全取三分之後，將會同富咸一齊升上英超。

　入波的基化摩亞今年一月由卡迪夫城加盟般尼茅夫，上陣四場入三球，效率極高，兼成為升班功臣。這位身高一米九六的二十九歲前鋒他的外祖父來自中國廣東，九年前中國國家隊曾經打算招攬他入國足，但未能成事，三年前成為威爾士國腳。

　至於英冠餘下一個升班席位，將會由第三至第六位球隊踢附加賽決出，其中第三位諾定咸森林、第四位哈特斯菲爾德已提早獲得附加賽資格。◇