曾為多個節目同劇集擔任主持同演出嘅祝文君因為肺癌喺寓所離世，終年五十五歲，其好友麥德羅證實消息。

　消息指祝文君星期二晚喺睡夢中離世，家人一直陪在側，又囑咐好友轉告噩耗。

　祝文君八十年代初加入邵氐藝員訓練班，當時任職銀行職員嘅佢並未直接加入娛樂圈，到八九年參加《歡樂今宵》嘅歌唱比賽獲獎之後，令佢自信大增，隨即報考第三期TVB藝員進修班，及後仲身為「藝進同學會」永遠名譽會長。佢畢業後先後任《K—100》、《娛樂新聞眼》、《城市追擊》等節目而為人認識，當年形象深入民心，連周星馳電影《食神》亦邀請佢客串。

　多年來又同時參演多部劇集嘅支援角色，新近播出嘅《星空下的仁醫》、《十月初五的月光》，以及《鐵拳英雄》當中，都見到佢演出嘅身影。

　二０一九年祝文君開始改用藝名王晴，繼續事業，豈料突然傳出不敵癌魔離世消息。

　無線藝員祝文君周一（二月二十八日）因病離世，無線電視深表惋惜，並向其家人致以深切慰問，亦會提供適切協助。

　祝文君九０年九月加入無線大家庭，先担任節目主持工作為主，包括《香港早晨》《娛樂新聞眼》《城市追擊》及《都市閒情》等節目，其後參與演出多齣劇集如《壹號皇庭Ⅱ》《律政新人王》《我的野蠻奶奶》《法證先鋒》《鐵馬尋橋》《愛．回家之開心速遞》《C9特工》及《拳王》等，飾演的三姑六婆及師奶角色，維肖維妙，令人印象深刻，其最後作品是尚未排播之《痞子殿下》。

　祝文君在無線大家庭工作超逾三十年，去年十一月獲頒發三十年長期服務獎金牌，以表揚其敬業樂業精神。無線助理總經理（藝員管理及發展）樂易玲表示：「文君很樂觀和努力面對病情，亦不想別人為她擔心。她喜歡工作及與公司同事開開心心活到最後，從不會埋怨辛苦，是一位真正的生命戰士！」◇