近年人氣微電影短片盛行，微電影短片《目不暇給》改篇自泰國人氣點擊率高的人氣微短片，日前的三個單元於一日內零NG完成。出名招牌「無表情」嘅《亞視一姐》薛影儀（阿儀）就係因為乎合故事中無表情演出，比製片人阿Man睇中，獲得出演女主角的機會。微電影短片還有性感女星-鍾采羲（Iris）、網絡短片男星-阿Man、有《綠魔》之稱的許嘉浩（KarlHui）和曾演出多部周星馳電影外號《蜥蜴仔》的曾德華等參演，定必掀起網絡世界的熱話。今次阿儀係飾演一個「無表情」的師奶，對一切事情發生都表示得好冷靜。其中她要同幾隻曱甴搏鬥，又要用武器去對付曱甴，算係佢第一次參與有一點動作的戲份。阿儀喺拍攝前話都擔心會打到對手，更多次問劇組有無買保險，相當搞笑。最後阿儀都好醒目咁配合現場導演教導佢嘅走位，一Take過完成佢啲動作戲份。唔好睇阿儀拍攝時「無表情」，但其實佢現實中都有啲怕曱甴昆蟲，難怪在場工作人員都積極幫阿儀「招親」，話要搵個唔驚曱甴昆蟲嘅男人保護阿儀。問到阿儀拍微電影短片有無難度？阿儀自信滿滿咁話無咩難度，仲想挑戰更多有表情同有動作戲份嘅角色，睇呢阿儀好有決心喺影壇繼續發展。而同阿儀有對手戲嘅《蜥蜴仔》曾德華演表情豐富又要不斷大叫嘅曱甴，被讚表現出色。多年無拍電影嘅曾德華大表過足戲癮，亦唔介意演醜角同配角，曱甴更顯出他多年打不死的精神。身兼幕前幕後有份選角的許嘉浩（Karl Hui）除了選出幾個微電影短片單元嘅主角外，更搵嚟跟隨多年嘅小粉絲客串，一圓佢哋嘅演員夢。Karl更說知道有演員話最近市道不是太好，希望喺佢哋幕前幕後的人員未有大片拍攝嘅空檔期都有微電影短片拍下，齊齊有工開。

　身材驕人的女星-鍾采羲（Iris）今次喺另一個故事單元同網絡短片男星-阿Man上演有趣溫馨愛情小品故事。除咗同阿Man演溫馨小情侶外，仲要同可愛嘅狗狗演多場對手戲。之前有養開狗嘅Iris幾下手勢就可以馴服狗狗。Iris話之前有養隻養咗十幾年嘅狗狗但已離世，今次拍攝都好開心，勾起好多之前同自己養狗狗嘅樂事。◇