鄭希怡（Yumiko）接受新城《QK玉瑛室》節目主持譚玉瑛（阿譚）、何基佑及麥皓兒錄音訪問，訪問將於9月10日播放。久未在港公開露面的Yumiko，來到電台十分開心，並在電台走了一圈跟大家打招呼，新城知訊台台長程凱欣更親自歡迎Yumiko及合照。

　Yumiko在《QK玉瑛室》節目上大談近況，並宣傳下周推出的新歌《Lady King》，原名「鄭列瓊」的Yumiko表示：「首歌係講我自己『瓊姐』，因為我細個喺慈雲山讀書，所以有個名叫『慈雲山瓊姐』；今次亦都首次挑戰唱rap，用咗廣東話、國語同上海話擺喺入面，3個語言都代表我成長嘅一部份。」

　Yumiko在疫情期間與老公梁學儲（Andy）及女兒「梁浸浸」舉家移居上海，至最近正式回流返港，她表示：「我哋喺上海住咗3年，因為疫情期間咁啱喺內地拍綜藝節目《乘風破浪的姐姐》，之後有其他工作同拍戲，返香港又要隔離，我父母一直住喺上海，佢哋就話不如留喺上海，我同老公傾咗之後，佢就帶埋阿女過嚟，一家人一定要一齊。」

　女兒梁浸浸今年9歲，近日已正式開學，Yumiko表示：「佢喺上海讀書可以揀繁體定簡體字，我幫佢揀繁體字，所以返咗香港讀書唔使咁辛苦。」◇