戲腔流行曲究竟是甚麼一回事？就要請教一下羅家英及謝曉瑩啦!兩師徒近日合唱《金陵幽蘭》，並接受Hoytv主播俞詠文Angela的訪問。說起二人的淵源，謝曉瑩表示家英哥應該算是帶他入行的一位前輩，所以很尊重他和Lisa姐（汪明荃）：「而喺嚟緊嘅中華文化節入面，有一套粵劇叫《馬湘蘭》，為咗吸引更多新觀眾去接觸粵劇，我就特別邀請咗家英哥同我合作，錄製一首國風戲腔歌叫做《金陵幽蘭》做宣傳，將傳統粵劇戲腔注入流行音樂元素，成為新劇嘅主題曲。」

　說到這位後輩的表現，家英哥就一針見血地「袋錢入對方袋」：「我平時都有睇佢做戲，仍然需要歷練，仲未夠火喉!面部表情需要再改善，因為花旦唔適宜太誇張，另外曉瑩一直都係自己寫劇本畀自己做，好多時跳唔出自己嘅框框，其實應該要做下人哋寫嘅劇目，睇下人哋嘅戲，將知識範圍擴闊啲!」

　而曉瑩就表示是因為近年風氣使然，才會多做自己寫的劇目：「其實如果唔係要特別宣傳嘅戲，我都會做好多舊戲或者古老戲，但係觀眾嘅口味，佢哋好多時都想睇新戲，其實都係市場主導緊我哋，聽到家英哥話我其實好開心，因為人越大，批評你嘅人只會越嚟越少，真係想聽真話都難，所以有家英哥嘅提點，我真係好感恩!」◇