【特訊】巴塞隆拿周一（八日）凌晨在甘柏盃，主場六比０大勝墨西哥球隊普馬斯，這場波話題多多，羅拔利雲度斯基攻入他加盟後首個入球，普馬斯亦有新兵丹尼爾倒戈，不過最令人關注的都是荷蘭國腳法蘭基迪莊，這位受到曼聯同車路士青睞的球星，下半場上場有入波兼有一次精彩個人表演，技驚四座。

　巴塞今場踢得相當輕鬆，羅拔利雲度斯基開波三分鐘先開紀錄，二分鐘後他助攻柏迪射入，奧士文迪比利十分鐘改寫成三比０，十九分鐘「羅拔」再次助攻柏迪建功，令巴塞半場領先四比０。半場巴塞換走大半隊，法蘭基迪莊亦粉墨登場，四十九分鐘奧巴美揚亦有進帳。

　之後法蘭基迪莊有一次精彩Solo，他在後場接波後第一時間假身避開對手，突然加速狂推數十碼，再用腳背交出直線穿過對手三名守將，可惜隊友製造的攻勢未能轉化入波。法蘭基迪莊在八十六分鐘前場逼搶成功，搶波後殺入禁區射入。◇