由棋人娛樂主辦《 MODERN CLASSIC 2010-2020：「撐」小肥演唱會》將於2022年9月14及15日，假旺角麥花臣場館舉行，以迎接小肥出道15周年，這是他相隔4年再次舉行個唱，與此同時，全新專輯《Siufay Modern Classic 2010 – 2020》亦會同步推出，可謂雙喜臨門。

　這次小肥與陳輝陽合作推出《Siufay Modern Classic 2010 – 2020》，當中嚴選香港近十年樂壇的11首好歌，以全新方式演繹，當中包括早前已推出、與Serrini合唱的〈青春頌〉及新作〈廢柴〉，另外還有〈年少無知〉、〈長相廝守〉及與陳柏宇（Jason）合唱的〈羅生門〉等，透過一首首樂曲娓娓道來香港過去十年樂壇的始末。今次灌錄過程是小肥入行以來最具挑戰性的一次，因為不僅由陳輝陽重新編曲為歌曲賦予嶄新意義，同時也顛覆了小肥過去的唱法。小肥道：「因為學唱歌改變咗唱腔，所以要慢慢調節轉變，用咗半年時間，幾乎日日去錄音室慢慢克服心理壓力同埋技術上要處理嘅事情，最終由驚恐變順暢，翻錄次數亦逐漸減少。」

　談及今次新碟中最難忘的作品，小肥與陳輝陽不約而同提及了與Jason合唱的〈羅生門〉，輝陽道：「歌名其實係日本殿堂級導演黑澤明嘅電影作品名字，所以一早已諗到要搵日本樂手演奏，將編曲變得帶日本色彩，但小肥聽到我嘅提意就拒絕咗。」小肥解釋道：「因為輝陽想做男男合唱版，但當時我仍未出櫃，亦唔知我嘅情況，如果唱出嚟就會感覺曖昧，所以拒絕了，之後大家亦冇再提隻歌。直至出櫃後，冇晒包袱，唱〈羅生門〉亦變得順利成章。」而小肥特地找來好友Jason參與，這亦是二人自出道以來，首次走入錄音室合作錄製歌曲。至於另一首作品〈年少無知〉，最初亦未有收錄在今次《Siufay Modern Classic 2010 – 2020》中，輝陽解釋道：「原本想拎版權拎唔到，但做晒所有歌後，見嗰間公司轉咗人，於是又再問一次，點知即刻Say Yes，令呢隻碟可以有個圓滿嘅歌單。」

　為徹底呈現小肥磨練近一年，更趨進化的歌唱實力，除了推出專輯《Siufay Modern Classic 2010 – 2020》外，小肥亦會舉行由陳輝陽擔任監製的《MODERN CLASSIC 2010-2020：「撐」小肥演唱會》，當中除了演繹新專輯的歌曲外，當然少不了小肥的經典歌，而是次演唱會歌單，就如同多年來一眾歌迷「撐」起小肥一樣，「撐」起你我，勉勵每一位聽者無懼風雨，繼續前行。

　今次《MODERN CLASSIC 2010-2020：「撐」小肥演唱會》將推出「勁撐小肥ULTIMATE FANS PACKAGE」，當中包括：2張 《MODERN CLASSIC：「撐」小肥演唱會》VIP門票、2張 唱片（可自選：Modern Classic實體唱片或Modern Classic實體黑膠唱片）及2個 Siufay Modern Classic NFT，值得一提的是，製作團隊特意遠赴美國製作黑膠碟版本並作限量發售，更顯彌足珍貴，小肥也對黑膠碟愛不釋道，並說：「今次CD同黑膠都分兩個版本，唱片封套內嘅相都有分別，其中黑膠更分粉紅膠及橙膠兩個版本，要打開先會知道係邊個版本。」陳輝陽亦補充道：「今次演唱會用上黑膠唱片嘅封面，你會見到小肥單眼望向一個方向，係想表達我們眼中嘅香港係點樣，以配合返今次演唱會嘅主題。至於代表乜嘢，就視乎睇嘅人嘅心情同解讀。」◇