張敬軒THE NEXT 20演唱會踏入第十三晚，這夜他請來同鄉陳蕾一起載歌載舞，兩人合唱《詩郵寄》，已經令全場哄動，意想不到陳蕾還送上手織的咪套，親手幫軒仔「笠」上去，引得觀眾狂笑，連軒仔都忍唔住話，「呢份禮物真係好爆。」

　前晚軒仔介紹陳蕾出場，「佢同我來自同一個城市。亦係唱作人，每一次係工作場合見面，都覺得佢好冷艷，好cool，好有矩離感，點解呢個新人成日口黑面黑.....哈哈。」

　陳蕾聽到軒仔咁講，即刻話，「我有好多感受想話你知，我中學係廣州睇過你好多演出，當時你剛出道，廣州出個歌手叫張敬軒，我地周圍介紹畀身邊同學知，大家覺得好驕傲好光榮。今日好開心有機會，你邀請我來做嘉賓。多謝你。」接著她又說，「我唔係有矩離感架，為咗証明我其實好貼地，又隨和，我準備咗一份禮物畀你，我係安排得比較後面嘅嘉賓啦，送禮畀你好大壓力....我諗過，想從早餐呢方面出發，送鹹菜配白粥都幾好食...」軒仔忍唔住插入:「難道我還未夠鹹？？可以再鹹小小？」引得觀眾哈哈大笑。陳蕾繼續話，「但係我D同事話，早餐呀，食物呀咁好多人送啦，我最近學針織，不如就親手織D嘢送畀你啦。我其實唔係好熟你個Size，不過我估有一個Size我可能比較清楚.....我已經袋住係身....我織咗個咁嘅嘢....」隨即由口袋中抽了一條「條」狀物體出來，軒仔及觀眾一見，已經笑到反肚，「喂，你呢個咩來先？咁形狀？哈哈哈.....離遠望佢，我估都差唔多size......哈哈哈......中間重有個心形，可以笠係邊呢請問？你知「冷」嘢都刮......哈哈哈.....」一連串妙語連珠爆發，觀眾全部笑到碌地兼拍爛手掌，狂笑狂起哄，陳蕾就解畫話，「其實係笠係個咪到...」

　當觀眾笑聲已經震烈紅館時，她繼續爆下去，拿著「套」問軒仔，「你要唔要我幫你笠？」接著就親手幫軒仔載套，「哎也真係啱啱好...」軒仔: 「我其實有d怕，你知啦唔係人人用samsung 電話，我驚有人離遠影，影出來有色差，見我揸住條肉色野影相就唔好....大家記得呢件嘢係粉紅色架！哈哈......好爆呀你呢份禮物！」

　禮物爆，送禮同收禮的兩人，一樣愈玩愈爆，陳蕾忽然又指著個套，「哎也，唔好意思，有毛......D貓毛黐咗喺上面.....」軒仔狂笑:「毛....我冇乜所謂.....」陳蕾又再來一句，「哎也，原來好似短咗小小.....」觀眾已經笑裂紅館咁滯，軒仔聽到「短」不甘示弱，「低估好過高估呀！呢d叫做expectation management！多謝你先，好溫暖，呢份係人生收過最有心思禮物！在座女士學嘢啦，如果你要送禮畀你鐘意你嘅另一半......個另一半又鍾意唱歌........」然後交個台畀陳蕾獨唱《相信一切是最好的安排》。

　安歌部份，軒仔請來了小師妹許靖韻(Angela)，兩人一起合唱《別為我好》，Angela出道之初有個花名叫小背心，所以她亦帶了一件小背心上台送給師兄，並與全場觀眾一起歡呼大叫軒仔即場換上給大家看看，「因為你之前送過件三點式畀我，提醒我做人做事要記得三點，同事又話你操得好fit，但冇乜點露，所以我諗住送件小背心畀你...」全場觀眾時幫Angela一起大叫「除衫！除衫！除衫！」軒仔笑住話，「你唔係諗住叫我即刻著呀嘛？你哋未見過麻甩佬著背心咩？」接著作狀除衫，搞到全場非常興奮，但到最後還是走數，笑稱:「嘩，要睇我即場換衫，張飛就要一千六百八啦！哈哈......應承你，下次見你著畀你睇！」◇