馬浚偉親自監製並自編自導自演的舞台劇《男人40ＣＥＯ》開演，每場都有不少圈中好友捧場，當然包括他永遠的偶像周慧敏，以及相識相交多年的上山詩鈉。

　周慧敏平時不常公開露面，但對馬仔這個好朋友絕對百分百支持，馬仔每個作品演出，她都會到場欣賞，而今次他的另類演出更令她佩服不已：「佢做得超好，冇見過佢演呢類角色，估唔到佢可以咁搞笑咁有power，但佢真係駕馭得非常出色，energy充足、timing好準，十分到位，真係既能演又百變，一個人帶起晒成個劇，不容易啊！我真心佩服馬仔嘅編劇功力，好有才華，天父給他好多恩賜。阿恩嘅表現亦令我suprise，第一次做舞台劇有咁嘅成績，不簡單，知佢好努力做準備，感情戲都感動到我，叻叻豬！」她又特別提到劇中演員黃釗鑫：「釗鑫亦係我好注意嘅演員，佢每次演出都好到位。」

　上山詩鈉朋友到場，由頭笑到尾，完場後見到馬仔即來一個擁抱，大讚佢多才多藝乜都得，成個劇正到不得了，「從未試過睇戲咁開心，好耐未試過咁開心，多謝馬仔帶比我一個開心嘅晚上。」

　馬仔感謝又感動好朋友們的支持，對自己是最大的鼓舞，未來仍有多場演出，亦會有好多朋友前來捧場，希望能夠做到令所有觀眾都「開開心心入場去，笑到肚痛返屋企。」然後享受一個甜蜜開心的睡眠。◇