拍《真‧三國無雙》險墮馬 林雪被艷女包圍難頂體味

 由導演周顯揚執導兼監製、獲日本遊戲商「光榮特庫摩」(KOEITE CMO)正式授權之電影版《真‧三國無雙》,已定於本月二十九日在港上映。該片耗資三億港元製作,拍攝的新西蘭實景征戰場面到豪華瑰麗的朝廷廠景、眾英雄造型的一服一兵器,全部打造精美,別出心裁;當中被網民一致讚賞神還原「董卓」的林雪,無論在造型、以致電影中的演繹,都演活了性情殘暴、荒淫的「董卓」,不過神還原的背後其實非常辛苦,經歷炎夏外景及悶熱廠景拍攝的雪哥更形容係折磨。

 極具份量的雪哥炎夏着古裝,要黐鬚、戴頭飾及披幾層戲服,場場戲大汗叠細汗,問他為何當初肯演「董卓」,他笑說:「我接呢部戲時首先睇咗個造型,咦?呢個咪我囉,我先接咋,當然導演都係好有誠意,傾角色時導演真係做足準備。」拍披甲上陣的戰爭打鬥場面,雪哥演繹得極威武,但其實他身穿的黃金戰衣相當重,又要拎住巨大的鋸齒刀策馬殺敵,少不免損手爛腳,幸好情況不嚴重,雪哥謂整親時都係得個忍字:「你話拍古裝辛唔辛苦?講唔辛苦呃人啫,辛苦到仆街添呀。喺新西蘭騎嗰啲馬係本身野外放牧,冇咁易馴服,一轉彎直情想將我成個人拋落地,扭親條腰,好在側邊有個當地馬伕扶住我,不過拍出嚟真係好好睇,辛苦都值得。」

 「董卓」在《三國演義》中另一為人熟悉的情節,要數到跟戰神「呂布」(古天樂飾)爭閉月美人「貂蟬」(娜扎飾),雪哥笑說:「我同呂布爭女?佢邊有得同我爭呀?全部都係佢嘅。」雪哥以往拍戲較少涉女色,這次因為飾演好色暴君「董卓」而艷福不淺,他稱拍《真》片時正值暑假十分酷熱,拍外景固然熱到抽筋,開廠景又無冷氣,所以拍攝被幾位艷女大包圍的廠景戲份,雪哥揚言都係頂唔順:「啲女着到『薄切切』,大家出晒汗,人有體味,嘩!真係頂佢唔順!幾靚女都好,你話我開唔開心呀?我覺得係一種折磨,啲體味搞唔掂,你唔好見我咁肥咁輪盡,我人就唔挑剔,但味覺幾挑剔。」

 電影版《真‧三國無雙》由周顯揚執導及監製、杜致朗編劇及監製,出品方為太陽娛樂及中國星。該片並獲NETFLIX以破華語片紀錄之天價購入全球版權。◇

 ;