電競網紅Rose Ma為直播平台UpLive拍攝廣告，露腰上陣性感清涼，不時擺出誘人Post。她表示近日忙於蠟燭店生意，更開教室授課：「佢地又唔係為我而嚟嘅，男學生都係為咗整禮物俾女朋友，所以唔好諗太多！依家投資咗六位數，因為我太愛呢門手藝，所以蝕晒都唔會肉赤！」

　Rose Ma又話自己直播時曾遇變態怪客，所以會小心與網友連線：「因為直播會有連線功能，即係你都可以見到Fans，要小心揀人去連線，因為除時會唔知睇到啲咩嘢！有試過男網友話要俾我睇佢『下體』，我當自己睇唔到唔理佢！」

　早前捲入艷照門事件的Rose Ma，隱身數月終現身公開活動，她拒回應有關事件：「就呢件事我就唔回應啦，但係我想話我係好開朗嘅一個人，唔會突然間死咗或者消失嘅，我企得喺度淨明我好硬淨。」

　而同場的小雲寶寶就受到疫影影響，未能回台灣工作：「香港同台灣Fans都好唔同，因為香港Fans好直接，佢地有咩要求會同你講，如果有機會都想兩地發展！」

　Uplive同時邀請電競KOL蔥蔥、Model陳仙迪Cindy、KOL陳嘉儀Tracy Chan、台灣熱爆KOL小雲寶寶為直播平台拍攝廣告。◇