黎嘉駿墮樓身亡 多才多藝卻鬱鬱不得志

 HotCha成員黎美言(Winkie)胞弟黎嘉駿(Harry)本月十六日早上於灣仔駱克道墮樓身亡,終年二十八歲。Harry任職劇界,屬自由身演員、導演、填詞人。由於多才多藝,卻鬱鬱不得志,未知是否受情緒困擾而輕生。

 家姐Winkie無法接受弟弟死訊,趕往弟弟寓所崩潰痛哭,情緒激動,而本月十八日正值是Winkie三十三歲生日,沒料到發生如此悲劇,凌晨時分Winkie仍無法入睡,於社交平台發長文,傷痛地悼念弟弟,表示以他為榮,縱使這一刀很痛,也尊重他的「決定」,承諾會好好盡責照顧父母,並活得更堅強,將來姊弟天國再聚。

 Winkie留言:「二0二0年十月十六日永遠都是我最傷痛、最懷念的一天……我只得一個細佬,一個我最親嘅親人。我由細照顧到大成長嘅細路,陪着我長大,成日關心我嘅細佬,昨晚你選擇離開了我們,你永遠在家姐心目中,是最優秀、最有有成就、心地最善良、非常有夢想的人。一個非常善良的男孩,我們的緣份只有二十幾年。

 你多年為舞台劇嘅熱誠付出,你創辦嘅想出軌劇場,你填過這麼多份歌詞、身兼演員、導演、創辦人、藝術總監,你唔怕艱苦、唔問回報、甚麼也為人着想。家姐有你呢個細佬引以為榮……

 今日我控制住自己嘅傷痛,經歷過未所經歷嘅事情,處理好家中一切事情回到屋企,我永遠好好紀念這個日期,還以為可以跟你到八十歲,互相看着大家的家庭兒女……我知道已經係事實,你沒有做錯,我亦非常尊重你的決定……在家姐心目中永遠支持你的決定,沒有錯與對,真的。

 我非常相信你曾經用心嘅創作,這十個年頭你,感染過唔少人,你嘅堅持你身邊嘅圈子係一定會睇到,你這麼多朋友,他們會永遠想念你,包括我哋一家人。求天父把你安息,RIP我們一定一定約定會在天國見面,我每天也為你祈禱。」

 Winkie以短訊回覆傳媒時說:「好感激有好多歌手朋友、同埋舞台劇嘅朋友、細佬自己嘅朋友都好掛住細佬,有好多人掛住他,他係一個非常重情重意又善良嘅男人,有好多朋友。我以我細佬今生為榮,我最親嘅人,感謝大家為他送上最大嘅祝福,希望大家心裏面永遠有他,掛住他,黎嘉駿,HarryLai,專業舞台劇演員、作詞人、導演。」最後,Winkie說:「有機會睇返佢以前嘅演出作品。」

 Hotcha成員張紋嘉(Crystal)已傳短訊慰問,但覺這段時間要給予Winkie空間療癒。Crystal表示,曾與Harry合作過,但不想多講以免像在做宣傳,只謂認識的Harry是很有才華,對舞台很用心、很有抱負的人,對方的離世感到很可惜,希望Winkie保重,及大家都多注意情緒健康。

 另一成員張惠雅(Regen)則說:「已問候,唔好意思啊!其他唔方便回應。」◇