楊千嬅開跨年騷直認不諱 一年半前Book好紅館預咗蝕錢

 藝人楊千嬅出席《楊千嬅I.II.III MY STORY》首映,老公丁子高、父母也有現身捧場,千嬅透露概念源於去年舉行世界巡迴演唱會經歷很多,繼而決定拍攝一部入行二十五年總結的個人紀錄片,千嬅表示會視之為紀念冊,內裏除了提及她過往作品、從少女變成中女的經歷,坦言曾為成就夢想目標,犧牲了人生很多時間及轟烈戀愛故事。

 而片中還邀請了陳奕迅、吳彥祖、梁漢文等好友,大談與她的相處點滴,千嬅說:「我覺得自己腦退化,啲Timeline成日錯,記得第一次同Eason喺華星遇見,印象佢提過喺英國讀建築,所以佢每次糾正我唱歌時我都會駁嘴,原來佢後來轉咗讀Voice,仲喺皇家音樂學院差一級就演奏級,唔明點解我要駁,個心哽住。」

 對於有傳年尾舉行演唱會,千嬅直認不諱,坦言早於一年半前已訂好紅館聖誕至跨年檔期,並一直留意疫情變化,並預告把其歌酬捐給慈善機構,主辦方則把部份收益捐給演出業協會。

 問到對成功開到演唱會信心?千嬅表示:「我相信件事!(入場人數限一半,門卷價錢要調整?)唔知,應該照舊,正常價錢,都好難收支平衡,係希望做到件事,人人有工開。(擔唔擔心政治風波,啲人抵制唔睇?)人生好漫長,四十幾歲人有好多唔同經歷,處理方法唔同三十幾歲,而家會用理性去處理情緒,唔會為人哋說話去解釋,好難滿足每一個人。(被人抨擊嗰段時間點渡過?)又唔係想像中咁唔開心,以前會諗點解睇法會唔一樣,但而家會諗係咪自己唔啱,會識得解決。」

 談到近日開設網上平台粉絲人數不及舊愛,千嬅對此表示不知情:「有得咁計㗎咩?個平台我純粹想講自己想講嘅嘢,做自己想做嘅嘢咋!」

 此外,千嬅於片中提及於懷孕期時完成數場演唱會後,翌日還跑到片場客串電影,沒料拍了兩個鏡頭便衝入廁所,發現「見紅」即去見醫生,結果因太操勞,要立即停工半年待產。

 而於二0一三年獲金像影后前數天,曾入院做了婦科手術:「攞獎時我企身攬住老公,其實傷口仲好痛,面又腫,因為頒獎禮幾日前,做咗十幾粒子宮肌瘤手術,原本手術三個鐘,最後因為未搞掂要做成六個鐘,到我做完手術瞓醒成家人同埋啲同事喺晒旁邊,話我瞓咗好耐。」◇