連詩雅擘大眼keep靚樣

 連詩雅Shiga是六月二十九日生日大日子,今年好開心自己首部劇集《那些我愛過的人》有唔錯的成績,「好多朋友都打嚟追問劇情,好興奮喺街上仲有好多人叫我做方醫生,完全接收到劇集嘅感染力,最重要係拍攝嘅過程自己好開心好享受。」

 Shiga早前為主題曲《小謊言》拍攝MV,「可以為自己嘅劇集唱主題曲好有意義,我好鍾意呢首歌,可能大家會以為係一般嘅情歌,其實留心歌詞就會發現係講緊劇集入面同家姐黃翠如嘅關係,令到自己回憶起拍攝時候好多嘅片段。」

 拍攝MV時,導演要求Shiga走過一堆將會爆破的大氣球,Shiga:「嗰幾個氣球真係超級大,所以爆破聲都比較強,導演話唔可以閃避,要擘大對眼keep住靚樣,其實原來幾恐怖,好彩自己都完成到,周邊啲同事仲拍晒手。」◇