李施嬅最大收穫識咗海俊傑

 拍《法證先鋒IV》同合唱新歌《二次緣》而結緣嘅海俊傑同李施嬅日前一齊做訪問,訪問翌日係施嬅生日,海仔就為好友準備咗驚喜。

 訪問結束之後海仔就捧住蛋糕為施嬅唱咗首歌劇版嘅生日歌,氹到施嬅眉開眼笑,海仔:「我生日嘅時候施嬅有同我一齊慶祝,所以我今日要為佢送上驚喜,送返個同佢一樣咁靚嘅蛋糕比佢。今次拍《法證先鋒IV》係我回歸香港電視圈嘅第一套劇集,好開心可以同施嬅做對手戲,更開心嘅係有機會可以合唱新歌《二次緣》,最開心嘅係同施嬅做咗好朋友。」

 施嬅:「《法證先鋒IV》係我暫別香港電視圈嘅作品,好開心可以遇到好多好好嘅前輩,同埋遇到海仔。因為遇到海仔令我有機會可以有自己嘅歌曲作品,對我唻講係一個好好嘅經驗,好感恩嘅係海仔係音樂方面都畀咗好多意見同啟發我,而我今次最大嘅收穫係識咗海仔呢個好朋友。」◇