(聽風細語)許諾故事  靈風

飯後他倆隨意走走,台北已亮起璀璨的聖誕燈飾,漫步街頭,加上星光點點,浪漫又有節日氣氛。

這時候的街道,沒甚麼人,他倆牽着,慢悠悠地散步。

男人看着女人手腕上戴着他送的聖誕禮物,由九顆小鑽石串成的白金手鍊,寓意他倆會長長久久,男人默默許願以後可以陪伴他的女人度過每一個重要節日,包括最重要的生辰,在凌晨十二時第一個向天使說生日快樂,唱生日歌,抱着女人送上一吻,年年有今日。

「歲月靜好,許你餘生。」

男人雙手捉住女人的頭,凝望彼此眼眸,如是說。

情深如此,天使呆住。

「你、明唔明?」

「要明啲咩?」

女人狡黠的眼波流轉,裝傻。

男人嘆了口氣,一雙黑眸無比專注地看着女人的臉慢慢泛紅。

「我係好認真同你講呢句說話㗎。」

「你、你咁樣算求婚呀?」

「唔係,只係想你知我呢一刻諗緊咩。」

「又係愛情專家本書呀?」

「唔係呀。唔記得喺邊度睇番嚟。」

「哦。」

「喂。」

「嗯?」

「你未答我:明唔明?」

女人偏了偏頭,男人的認真讓她心甜又心怯,牽起嘴角。

「明又點?唔明又點呢?」

「……」

「喂。」

「嗯?」

「許你一諾,今生不負。」

輕輕的語調,重重的諾言。

男人閉上眼睛,緊緊抱着女人,彷彿要將懷中的天使收入自己的心房最深處,永遠珍藏。

「搵到你,係我一生最大嘅幸運,多謝你為我嘅生命帶嚟陽光同溫暖,喺我愛上你嘅時候,你亦咁啱愛上我,畀我可以執子之手,一齊行埋餘生嘅路。」