剛於樂壇頒獎禮上橫掃新人獎項的李靖筠（Gladys）首張EP《Hello Stranger》前日（二十日）正式推出，發片第一日，Gladys已經馬不停蹄到各大電台派碟，親自向DJ們推薦及講解新唱片的構思。

　送碟前Gladys已經難以掩蓋自己興奮之情，「我而家又興奮又緊張。」她首先向大哥森美送碟，Gladys介紹唱片：「隻碟除咗啲歌，我覺得小克幫我畫嘅插圖都好靚，同啲歌好夾㗎！」謝茜嘉收到碟時，更向Gladys透露其實幫她EP插畫的小克唱歌不錯，更叫Gladys下次可以考慮與他合唱。其後Gladys掃樓式送碟，她又一一拍下自己的送碟過程，再發片給不在場的DJ們，相當用心。

　完成一連串送碟活動後，Gladys更專誠到達唱片店巡舖兼按照傳統買碟支持自己，還未走進店舖，遠遠看見自己的EP被大量鋪排於店舖正門的當眼位置，Gladys立刻興奮大叫：「嘩，好誇張啊，好開心啊！我冇諗過會擺到咁多㗎！」除了在拍照留念，她更說：「好感恩，呢個時候可以出到一隻實體碟係好艱難，多謝公司一直以嚟嘅支持。」隨即大手購入八張EP以支持自己。首次推出EP，Gladys當然有叫自己的親朋戚友多多支持，「我叫咗陳家樂買碟㗎啦，佢應承咗我最少都會買五隻。」◇