王梓軒興奮同小朋友爭櫈仔

 暑期動畫《貓咪媽咪Home》,今天(十五日)正式上映!

 早前,王梓軒與戲中貓貓老豆肥L到MegaBoxEClub宣傳電影,更即場教小朋友跳「貓咪舞」及玩遊戲,場面熱鬧!

 梓軒表示:「之前都試過與兒童慈善機構合作,但在遊樂場一齊玩就係第一次!玩完波波池又玩爭櫈仔,好興奮!今日除咗小朋友,大朋友都有一齊玩。」

 問他怕不怕小朋友難搞?他說:「少少啦,其實佢哋個個都好乖,我到而家都有玩波波池,今日同啲小朋友喺波波池搵番啲貓咪牌出嚟,見到第一次接觸呢啲遊戲嘅朋友仔,我覺得好好笑,佢哋冇嗰個concept,係好純真嘅快樂,我爭櫈仔好叻,因為我通常都會望住播音樂嗰個人,佢差唔多落手我就搵定位,優先場反應好好,嚟近正式上映,希望一家大細都去支持啦!」當日梓軒同小朋友玩咗兩小時後,便開始到戲院謝票,有小朋友見到梓軒,更興奮表示睇咗三次《貓咪媽咪Home》,之後梓軒到銅鑼灣戲院謝票時,撞見正準備為《小Q》謝票嘅羅仲謙,兩位識英雄重英雄,更為對方打氣!◇