藝人趙哲妤Uny最近重返校園，為其聽障女兒（小魚）攻讀言語治療碩士，勢要盡其最大力量，醫好囡囡。

　不過，睇來Uny照顧女女之餘，都要好好照顧自己先得喎。皆因佢開咗學一年都未夠，就搞到自己有近視眼。佢為咗可以金睛火眼睇實亞女，同埋望清楚黑板，最近佢就去咗買眼鏡，實行做個四眼妹喇。帶咗眼鏡嘅Uny，書卷味濃郁，真係成個學生妹咁，絕對睇唔出佢生過Ｂ，連女都有一件。

　見佢連揀副眼鏡都精挑細選，逐副格價慳到盡，佢就回應話：「係呀，最近睇嘢唔清，原來有一百二十五度近視，唔算深，不過買嘢畀自己唔使太貴，留番的錢畀囡囡買玩具都好嘛。」果然係名不虛傳嘅「廿四孝阿媽」！◇