絕世好爸張兆輝，一對寶貝仔女都分別先後去了英國讀書，適逢復活節假期，十四歲女兒張卓姿已長得亭亭玉立，哥哥張焯鏗因想到挪威讀碩士，先去視察環境，所以今次只有女兒獨自返港度假。

　日前，輝哥說很幸運女兒中午回港，可以接完她回家，夜機才回横店開工，他一見到女兒從禁區位行出來時，即上前為女兒推行李，並說：「我的寶貝豬」，面上流露著萬分掛念。

　其實輝哥在接機前一晚，因擔心女兒安危，整晚都瞓唔著，他說：「佢咁細個一個人坐十幾個鐘頭飛機，梗係擔心啦！我之前仲叫佢check in前睇下隔籬個位係咪男人坐，如果係就要調位，哥哥雖然唔返香港，不過佢都喺英國約克接了妺妹出倫敦送到去機場。」廿四孝爸爸果然係緊張大師！

　接女兒回家後，當晚輝哥就要飛到橫店為大型古裝電視劇《南歌嘹亮》及內地電影《老傢伙們》開工，所以現在要橫店、深圳、香港同泰國四邊跑。

　前日（十八日），他在橫店，趁不用開工時，便約埋助手及工作人員去明清宮跑步，教他們運動強身。

　輝哥現時接拍的電視劇及電影，要一直開工拍至暑假，所以輝哥能接女兒機，見到一面已經感到十分高興。◇