蔡卓妍:入圍大鼓舞攞獎隨緣

 影壇盛事《第三十八屆香港電影金像獎》,將於四月十四日晚,假香港文化中心舉行,今日大會公佈入圍名單,由郭富城和周潤發主演的《無雙》獲得最多提名,合共十七項提名,包括「最佳電影」﹑「最佳導演」﹑「最佳男主角」和「最佳女主角」等,而《逆流大叔》則獲十一項提名,《翠絲》有九項提名,《淪落人》則有八項提名。

 當中影帝之爭落入周潤發(《無雙》)、郭富城(《無雙》)、黃秋生(《淪落人》)、吳鎮宇(《逆流大叔》)及姜皓文(《翠絲》)身上,當中姜皓文是首次入圍金像獎「最佳男主角」,可謂相當令人期待。

 發哥說:「好開心有提名,希望個個都攞到。(無可能個個得到?)有雙影帝、三影帝,今年覺得有三影帝。我自己演得好好,好耐無提名,但對其他人都有信心,對周潤發都有信心,所以好矛盾,又希望自己攞。(會不會慶祝入圍?)現在已經食雞尾包慶祝,我真的開心到不得了。」

 城城說:「相信每位演員用心演出了一部好的電影作品而獲得提名,一定會好開心。今次能夠以《無雙》入圍都好開心,更開心是知道電影有十七項提名,證明電影各個崗位的努力,令初選評委都睇到。」

 黃秋生說:「入了圍呀?入圍啫!又不是攞獎,高興得太早?你買六合彩都不會走去夜晚食餐一萬蚊的飯去慶祝啦!係咪?中了至講啦!」

 吳鎮宇說:「恭喜發財!支持本土電影,支持香港電影金像獎,大家開心就好!」

 身處內地拍戲的姜皓文說:「好開心,今次好僥倖,好幸福,有這個提名已經好好,真的是行內人、觀眾,所有朋友好錫我,好關心我,是個好幸福的演員,多謝大家。」最佳女主角方面,蔡卓妍說:「多謝有份投票給這個角色的所有評委,多謝大家。好開心可以入圍,我覺得入了圍已經好大鼓舞。嘩!五個提名咋喎,自己可以是其中一個,已經是一個好大的肯定。可以成為Best五之一,已經好叻喇!攞獎就隨緣,我覺得觀眾鍾意套戲是最緊要,多謝大家。」◇