「多產公」姜皓文記憶力驚人

 圈中有句笑話「無姜皓文就開唔成部戲」,呢個形容雖然誇張了,但又合情合理,事關姜皓文確實係影圈「多產公」,單係二0一八年已拍了近十部電影,難得的是,他牢記戲中每一句對白,記憶力可謂驚人!

 日前姜皓文接受「香港開電視」主持植詠珊訪問,植詠珊列舉五句經典對白讓姜皓文估出自哪部電影,答案全中,連姜皓文都忍不住說:「快啲讚我叻仔啦,我真係記得㗎,哈哈!」對於「無姜皓文就開唔成部戲」呢句笑話,姜皓文揶揄植詠珊說:「你仲細咩,咁都信!香港電影唔搵我,我就真係發霉啦!」

 姜皓文指呢句笑話背後,代表業界中人對他的愛錫,他感恩地說:「黑仔真係一個好幸福的演員,一直以來得到太多人的鼓勵,幸福到連個天都眷顧我!所以我覺得自己二0一八仲有好多進步空間,希望二0一九做得更好!」今年除了拍戲,姜皓文還希望能實踐做導演和做歌手都夢想。

 今年是他和太太金慧英結婚二十周年,姜皓文坦指太太對他的演藝事業「瞓身支持」,不過有時見他壓力太大,都會忍不住勸他退休。姜皓文笑道:「後生細仔,講咩退休呀!不過佢咁講,係窩心的。我地結婚二十年,有咩交要嗌,在過去的十九年半都嗌晒囉,打後的日子都係開開心心的!」◇