黎明派「金幣」引起混亂

 黎明(Leon)以公益金名譽副會長身份到中環皇后像廣場主持「香港公益金分金同味」儀式剪綵,為五十周年連串活動揭開序幕,台下見佢心情大靚,一身便服現身的他展露了湊女練成的麒麟臂!活動上司儀邀請Leon上台分享經驗,他一開腔即爆金句:「首先要學前輩做事,上台講話前要除太陽眼鏡。」然後再講:「加入公益金以來一步一步學習,跟好多前輩做,前輩畀支棒我們上山下海去籌款,過程中幫到好多香港市民。我都曾經是新人,我會將我的經驗分享畀新人聽。」然後就同嘉賓於台上剪綵,再影大合照。之後一眾主禮嘉賓即場派發朱古力金幣給圍觀市民,Leon拿着籃子繞場一周派發,即時引起混亂,粉絲一擁而上,期間有人跌倒,Leon不慌不忙,還笑言:「現在就是測試人性喇!」

 對於前妻樂基兒在網上正式宣佈懷孕喜訊,問Leon可會恭喜及送上祝福?他充耳不聞繼續派朱古力金幣,最後無做訪問就離開。

 同場還有湯駿業、葉巧琳及陳柏宇,柏宇在外國讀書從未參加過百萬行,有機會的話都想帶埋囡囡去。問到他可有想過跟新手爸爸Leon分享湊女經?柏宇笑說:「無諗過,我今日連招呼都不敢同他打,他氣場太勁,太有型。」至於湯駿業一直很期待親身見到Leon,並笑說:「睇Leon着緊身衫,胸口位置也漲卜卜。」◇