顏卓靈夢想成真 成立Fan Club首次聚會

 顏卓靈(Cherry)早前正式成立FanClub,並命名為「車厘子軍團」,自從有軍團粉絲撐住,令她更珍惜疼鍚自己的人,在軍團中男多女小,男粉佔大比數,正所謂異性相吸,Cherry覺得是正常比例,不過她最開心是能夠夢想成真,有屬於自己的小天地!

 Cherry身邊一直有一群忠實粉絲支持,為了答謝大家對她的厚愛,所以她有心願是成立FanClub,她表示,自從成為歌手之後,身邊多了一班粉絲,無論她出席唱片及電影活動也見到他們的來撐場,於是速成了她成立歌迷會。Cherry笑說:「我要叫佢哋做《車厘子軍團》,我對佢哋好有使命感同歸屬感,佢哋不計勞苦咁陪住我,之前電影謝票佢場場都有出現支持,仲買埋飛入戲院打氣一齊謝票,又幫其他觀眾打燈影相,連謝票燈光組都做埋,佢哋好撐住我,仲大叫我顏卓靈個名,其實我鐘意人哋嗌我全名,不過就因為工作未有正式同佢哋傾偈,我之前喺吉隆坡拍戲想起返到香港一定要搞成,好在今次真係夢想成真。」

 在成立FanClub當日Cherry送出一些大海報給大家,席間又玩多個遊戲,她開心笑說:「我好耐冇咁開心玩集體遊戲,本來佢哋想我做主持人咁,不過我都想玩埋一份,大家玩到好似小朋友咁,雖然大家未係好熟,不過透過遊戲反而可以加強溝通,而且又分享下日常小事,好希望快啲又再有聚會。」

 對於FanClub比例似乎男多女少,Cherry笑說:「通常都係異性相吸嘛!其實都幾正常呀!」不過,她都希望能吸納多些女粉絲呢!◇